Daily life

Jæja komin tími á smá fréttir frá Malapascua, tíminn er ekkert smá fljótur að líða en það er líka búið að vera mikið að gera hjá okkur og flest allir daga fullir af nýjum verkefnum….

Í byrjun mars vorum við í miklu bóklegu og tókum meðal annars Thresher Shark speciality course þar sem við fræddumst um hákarla, hegðun og atferli þeirra og svo var farið ítarlega í Thresher hákarlinn þannig núna getum við kyn og tegunda greint þá ásamt fleirru, mjög fræðandi og skemmtilegt námskeið sem var fínt að taka svona til hliðar. Þessu fylgdi líka 2 hákarlakafanir en við vorum það óheppinn að þessa daga voru hákarlarnir ekki sjáanlegir þannig við gátum ekki prufað að kyngreina Thresherinn í þetta skiptið…

Næsta vika snérist mikið um bókleg próf og við tókum heil 3 próf með trompi! Engin einkunn lærri en 85% en þeir eru nú ekkert að taka þessi próf of alvarlega og er ekki mikið stress í kringum þau. Fínt að klára allt bóklega sem fyrst til að eiga allt það skemmtilega eftir! Fórum líka í þónokkrar kafanir en Inga fékk smá flensu í 2 daga þannig hún missti aðeins úr eða 1 dag. Einn strákurinn sem er hérna að læra með okkur ákvað að fá sér rúnt á vespunni sinni eftir að hafa setið heila kvöldstund með Tanduay (filipino romm) um hönd. Hann komst ekki nema 30 metra áður en hann klessti á vegg og þurfti að flytja hann á sjúkrahús á meginlandinu með risaskurð á hausnum. Hann er kominn til baka núna viku seinna en verður því miður að fara heim útaf það er bannað að kafa eftir mikla höfuðáverka og verður hann að klára sitt námskeið í Englandi. Svekkjandi fyrir hann en hann fær þann vafasama heiður að hafa lent líklega fyrsta umferðaslys í sögu Malapascua.

Erum líka búinn að fara í 2 dagsferðir á aðrar eyjur hérna í nágrenninu, bara divemaster nemarnir saman. Fyrst fórum við á eyju sem heitir Carnaza og köfuðum við 2svar, mjög góður köfunarstaður, flottir kóralar og fiskar sem við höfum ekki séð áður. Fórum síðan til Calangaman island sem er djásnið af köfunarstöðunum hérna. Frábært visibility ( hversu langt maður sér neðansjávar) og stórir hópar af allskonar fiskum. Köfuðum meðfram risastórum neðansjávar klettavegg þar sem maður sá heilu torfunar bæði fyrir neðan sig og ofan. Á 30 metra dýpi gat maður séð í botninn sem er á umþað bil 90 metra dýpi! Lá við að maður yrði lofthræddur þarna. Hittum líka 2 nokkuð stóra kolkrabba sem skiptu um lit um leið og þeir urði varir við mannaferðir, að mínu mati ein af mögnuðustu skepnum sem búa í hafinu. Síðan var eyja líka frábær, hvítar sandstrendur og pálmatré. Sannkallað póstkortamyndaefni enda eru nokkrar myndir frá þessu á myndasíðunni okkar. Frábær dagur og vonandi getum við farið aftur þangað áður en við yfirgefum Malapascua.

Í dag fórum við í hákarla köfuna sem er á hverjum morgni. Vorum ekki búinn að bíða lengi þegar einn rúmlega 3 metra birtist og fór að hringsóla fyrir framan okkur. Hann var aðeins 2 m í burtu frá okkur og við biðum bara eftir því að hann myndi bókstaflega synda á okkur. Thresher sharks koma alltaf upp í grynningarnar (22m) á hverjum morgni til að fá hreinsun frá fiskum sem lifa á bakteríum sem taka sér bólfestu á skinni hákarla. Þetta er win win dæmi, bæði fyrir hákarla og hreinsunarfiskinn þar sem hákarlinn losnar við bakteríur og hreinsunarfiskurinn fær auðvelda máltíð. Þegar lífið gat ekki orðið mikið betra með hákarlinn beint fyrir framan okkur komu 2 eagle rays (risa skötur) syndandi framhjá. Þvílíkt combo! Er orðin mikill aðdáandi af stórum sjávarlífverum, því stærra því betra. Fórum í aðra köfun þar sem við sáum meðal annars frogfish í fyrsta skipti og einhverskonar klóarlausan humar, alltaf sér maður eitthvað nýtt. Í báðum þessum köfunum vorum við að fylgja local divemasterum og læra í leiðinni hvernig á að leiða kafanir. Ekki amarlegt verknám….. Kláruðum daginn síðan með eðlisfræði prófi og eigum því bara eitt bóklegt próf eftir. Höfum líka lokið við 2 af 4 sundprófum, þar á meðal 400 metra sund undir 11 mín sem þykir hvað erfiðast.

Ætlum að skella okkur til Cebu city á morgunn og skoða okkur um í stórborginni. Verður fínt að skola sandinn úr rassaskorunni í heitri sturtu og jafnvel gista nótt á hóteli með air con. Megum ekki stopa of lengi í Cebu því í morgunn sáust 20 hammerhead hákarlar sem gefur til kynna að þeir  séu mættir til Malapascua. Aðal hammerhead (hamarshaus?) tímabillið er í apríl þannig við vonumst eftir að geta kafað með þeim fljótlega.

Endilega skilið eftir kveðju, alltaf gaman af góðum kveðjum.

Kveðja Kristján og Inga

Lærdómur og kafanir.

Tíminn er ótrúlega fljótur að líða þegar það er skemmtilegt, eins og hendi væri veifað þá erum við búinn að vera hérna í næstum 3 vikur. Inga fór í Advanced námskeiðið sitt og rúllaði því upp með 5 köfunum. Á meðan var ég bara að kafa mér til gagns og gaman, fór í hákarlaköfun þar sem ég reyndar sá ekki hákarl, fór í dagsferð þar sem ég kafaði í flak af gömlu farþega skipi og kringum eyju. Daginn eftir voru síðan fleiri kafanir áður en Inga kláraði námskeiðið sitt svo við gátum byrjað á skyndihjálparnámskeiði saman. Þegar það var búið (tók 1 dag) fórum við beint í Rescue diver námskeið sem tók nokkra daga. Ekki mikið um alvöru kafanir á þessum tíma en við fórum samt í eina morgunköfun. Alla morgna hérna er kafað til að reyna sjá thresher shark, kafað niður á 22 metra og beðið eftir því hvort þeir koma inn á rifið til að fá hreinsun frá sérstökum hreinsunarfiskum. Þennan morgun vorum við búinn að bíða og bíða þar til rétt áður en við þurftum að fara aftur upp þá kom einn syndandi rétt fyrir aftan okkur. Sáum hann ekki fyrren hann var beint fyrir aftan okkur, 3 metra kvikindi sem synti líklega 4-5 m frá okkur sultuslakur. Synti framhjá okkur og eitthvað út í bláinn, stundum koma þeir aftur en við sáum hann ekki aftur þennan daginn, vonandi sjáum við fleiri hans líka sem fyrst.

Höfum farið 2svar eftir þetta, ég sá einn í eitt skiptið en bara útlínur þar sem hann var svo langt í burtu. Í seinna skiptið sáum við ekkert en förum aftur í fyrramálið og vonandi sjáum við þá. Fórum líka í geggjaða næturköfun þar sem mandarine fish voru í aðalhlutverki, koma fram út kórölunum rétt fyrir sólsetur og setja á svið eins konar danssýningu til að berjast um hylli kvenkynsins. Ekki stærri en 3 tommur og svakalega litríkir, hægt að skoða myndir af þeim á myndasíðunni. Myndavélin varð batterílaus við að taka myndir af þeim sem var allveg týpískt því seinna sáum við helling af allskonar kröbbum, sæhestum og rúsínan í pylsuendanum var bluering octupuss sem er agnar smár kolkrabbi allsetur sjálflýsandi bláum hringjum og baneitraður. Ekki algengir hérna um slóðir en vonandi sjáum við annan slíkan aftur þegar myndavélinn verður full hlaðin.

Kíktum líka á hanslag sem eru alltaf á sunnudögum hérna. Reglunar eru einfaldar þar sem hanarnir berjast yfirleit til dauða eða þar til annar þeirra gefst upp og flýr. Ekkert sérstaklega góða meðferð á dýrunum en heimamenn sjá ekkert athugavert við þetta plús að þetta er mikil félagsleg samkoma fyrir eyjaskeggja til að hittast. Ég lagði undir á myndarlega hvítan hana en hann tapaði því miður, lifði reyndar af en reyndi að flýja sem er sama og dauði. Ég fór því heim 300 kr fátækari en reynslunni ríkari, aldrei veðja á hvítan hana aftur. Nokkrar myndir af þessu líka á myndasíðunni. Eftir að fara uppá meginlandið til að fá vottorð frá lækni fengum við grænt ljós til að byrja á divemaster námskeiðinu okkar. Þessa dagana erum við bara í bóklegu námi að læra allskonar hluti um köfun. Allt sem við erum að læra er kennt eftir PADI standard og þar sem PADI er ultra amerískt fyrirtæki er allt námsefnið mjög amerískt og miðað við að fólkið sem sé að læra séu heilalausir amríkanar. Þetta er allavega okkar fyrstu kynni af bóklega hlutanum þó það sé auðvitað hellingur af mjög nytsamlegu efni þarna inn á milli. Það eru 8 aðrir krakkar hérna að læra divemaster sem er mjög góður hópur og náum við öll vel saman. Kennarinn eru líka skemmtilegir en eina fólkið sem við erum ekki allveg sátt með er fólkið sem á sjoppuna og stjórnar þessu apaspilli. Vonandi lagast það samt með tímanum.

Það verður nóg að gera næstu vikunar hjá okkur: Bókleg próf, nokkur sundpróf, allskonar neðansjávar verkefni, hjálp við kennslu og vonandi kemur maður einhverjum skemmtiköfunnum að inn á milli. Vonandi nást líka myndir af Tresher shark, læt fylgja eitt video af Thresher shark sem ég fann á youtube.

Kveðjur frá Malapascua

Kristján og Inga